ياز كۈنلىرىدە، تاماق يىگەندە يىڭىچە تەمدىكى چىلىغان كۆكتات قوشۇپ يىسىڭىز، سىزگە باشقىچە تېتىشلىق تۇيىلىدۇ. تۆۋەندە بىز تەييارلىنىشى ئاددى ئەمما تەمى ياخشى كەلگەن بىر خىل چىلىغان كۆكتات تەييارلاش ئۇسۇلىنى تۇنۇشتۇرۇپ ئۆتىمىز:

 كىتەرلىك ماتىريال:

   ھېسىۋىلەك، سامساق، يىڭى سوڭپىياز، تۇرۇپ، تۇز زەنجىۋىل، قىزىلمۇچ قىيامى، ئاق شىكەر

 تەييارلاش ئۇسۇلى:

1.  ھېسىۋىلەكنى يۇيۇپ پاكىزىلاپ، توغراپ ئارلاشتۇرۇش ئۈچۈن ئىشلىتىدىغان داسقا سالىمىز. كەينىدىن ئۈستىگە ئىككى قوشۇق تۇز تۆكۈپ، قولىمىزغا پىلاستىر پەلەي كىيىپ تۇرۇپ،  تۇزنى ھېسىۋىلەك ئۈستىدە يىنىك بېسىپ بىرىمىز. داسقا ھېسىۋىلەك پۈتۈنلەي چۆكەشكىچىلىك سۇ قۇيىمىز؛ (   ھېسىۋىلەكنىڭ ئۈستىگە تەخسىدىن بىر نى قويۇپ بېسىپ بىرىشىمىز كىرەك) ؛  مۇشۇ ھالەتتە 3 سائەتتىن ئارتۇق قويىمىز، ئەڭ ياخشىسى بىر ئاخشام قويۇپ قويۇش كىرەك؛ بۇ جەرياندا بەسەينى ئىككى ئۈچ قېتىم ئۆرپ مالتىلاپ بىرىش كىرەك.

2.  تۇزلاپ تەييار قىلغان ھېسىۋىلەكنى ئۆتكۈزگۈچكە سېلىپ، سۇدا چايقايمىز؛ چايقاپ بولغاندىن كىيىن، ئۆتكۈزگۈچ تورى بىلەن ھېسىۋىلەكنى ئېلىپ بىر ياندا 20 مىنۇت ئەتراپىدا قۇرىتىمىز.

3.  پىيالىگە شىكەر ۋە قىزىلمۇچ قىيامى سېلىپ، ئۇنىڭغا بىر قۇشۇق سۇ قۇيۇپ، ئۇماچ ھالىتىگە كەلگىچىلىك قوچۇيمىز؛ يەنە بىر چىنە تەييارلاپ، ئىككى ئىستاكان سۇ ۋە بىر قوشۇق تۇزنى تەڭشەپ، ئېشلىتىش ئۈچۈن تەييارلاپ قويىمىز.

4.  تۇرۇپ، زەنجىۋىل، سوڭپىياز، سامساق قاتارلىقلارنى مۇۋاپىق چوڭ كىچىكلىكتە توغراپ، ھېسىۋىلەك بىلەن بىللە، ئارىلاشتۇرۇش ئۈچۈن تەييارلىغان داسقا سېلىپ، ئالدىدا تەييار قىلىۋالغان قىيامنى ئۈستىگە قۇيىمىز. ھەمدە قىيامنى كۆكتاتلارنىڭ يۈزىگە تەكشى سۇۋايمىز

     5.  تەييار بولغان چىلانغان كۆكتاتنى باشقا قاچىغا سېلىپ، 3- باسقۇچتا تەييار قىلغان تۇز سۈيىنى ئۈستىگە قۇيىمىز ھەمدە قاچىنىڭ ئېغىزىنى ھىم ئىتىپ، سىرتتا كۈن نۇرۇ چۈشىدىغان جايدا بىۋاستە 24 سائەت ئاپتاپقا سالىمىز؛ 24 سائەتتىن كىيىن قاچىنىڭ ئېغىزىنى ئاچساق، ئازراق پۇراپ   قالغاندەك پۇراق چىقسا، كۆكتاتنى توڭلاتقۇغا يۆتكەپ، يەيدىغان ۋاقىتتا توڭلاتقۇدىن ئېلىپ ئىشلەتسەك بولىدۇ.